Á undanförnum árum höfum við t.d. gengið yfir Fimmvörðuháls; niður með Stóru-Laxá; hálfhring frá Lakavegi, inn á línuveg og niður í Holtsdal að Fjaðrárgljúfri; kringum Hvalfell í Hvalfirði; skemmtilega gönguleið í Borgarfirði sem endar við Hreðavatn; kringum Hítarvatn; á Eldborg á Mýrum og árið 2005 gengum við upp frá Steig í Mýrdal hring upp á Dalsheiði og enduðum aftur í Steig. Sú gönguferð endaði á golfmóti á Selfossi. Golfmót var aftur haldið sumarið 2006 á golfvellinum í Borgarnesi. Síðan hafa nokkrar göngur bæst við og er listi yfir þær með myndum hér fyrir neðan.
Á árinu 2006 var ákveðið að ganga 10 ára afmælisgönguna á Spáni í heila viku í júní og fara síðan í hvíld á strönd/golfvelli á eftir. Til þess að þetta mætti gerast var fjölgað í hópnum og erum við nú 16 sem göngum saman - ekki alltaf allir í einu, en fastur kjarni hefur verið með í flestum göngunum. Sjálfkjörinn formaður hópsins er Anna Gísladóttir og hefur hún stjórnað honum af mikilli röggsemi.
Hluti gönguhópsins á Helgafelli
