Þingeyjarsýslur

Minnisvarðar í Þingeyjarsýslum

---

Gilsbakki, Öxarfirði

Gilsbakki

Minningarreitur um hjónin Sigurlaugu Jósefsdóttur f. 13.2.1874 – d. 20.11.1959 og
Sigvalda E. Sigurgeirsson f. 3.7.1871 – d. 7.10.1922.

Reistur 1999 að tilhlutan Sigurðar Óskars Sigvaldasonar og afhjúpaður haustið 2000.

Sigurlaug og Sigvaldi fluttu að Gilsbakka vorið 1901 og bjuggu þar til æviloka. Gilsbakki hefur síðan verið í ábúð afkomenda þeirra hjóna.
Börn þeirra voru:
Benjamín, f. 1895, Sigurður f. 1897, Friðgeir f. 1899, Sigrún f. 1900, Halldór f. 1902, Ásfríður, f. 1904, Kristín f. 1906, Sigurður Óskar, f. 1908, Rakel, f. 1910, Guðný Ingibjörg f. 19011, Sesselja, f. 1913, Guðbjörg, f. 1915. Fósturdóttir, Margrét f. 1923.

---

Jóhanna Sigfúsdóttir (1881-1925) – Aðalsteinn Jónasson (1875-1958)

Hvammur í Þistilfirði

Jóhanna Sigfúsdóttir,
f. 20.5.1881 – 22.6.1925
Aðalsteinn Jónasson
f. 21.6.1875 – 4.5.1958.
Niðjar

Minnisvarðinn var reistur af niðjum og stendur á Krummahól, en undir honum stóð bærinn Hvammur áður.

---

Skúli Magnússon (1711-1794)

Skúli Magnússon landfógeti fæddist í Keldunesi 12.12.1711

Minnisvarðinn var afhjúpaður árið 1959 og stendur við Skúlagarð í Kelduhverfi. Aðrir minnisvarðar um Skúla Magnússon eru í Reykjavík og Stóru-Ökrum, Skagafirði.

---

Jóhann Sigurjónsson (1880-1919)

Jóhann Sigurjónsson skáld frá Laxamýri.

Minnisvarðinn var afhjúpaður á 100 ára afmæli skáldsins og var valinn staður á Heiðarendanum, nesi sem skilur að Laxá og Reykjakvísl við bæinn Laxamýri.

“Á hvítum hestum hleyptum við
upp á bláan himinbogann
og lékum að gylltum knöttum.”

Minnisvarðinn var afhjúpaður á afmæli skáldsins, 19. júní 1980.

Minnisvarðann gerði Einar Hákonarson.

---

Mývatnssveit

Minnisvarði um slys

Til minningar um
Böðvar Björgvinsson fæddur 1942 starfsmaður Símans
Jón Kjartansson fæddur 1945 starfsmaður Símans
Sigurgeir Stefánsson fæddur 1962 starfsmaður Kísiliðjunnar
sem drukknuðu í Mývatni við lagningu ljósleiðara þann 26. október 1999.
Blessuð sé minning þeirra.

Reist af Félagi íslenskra símamanna og
Rafiðnaðarsambandi Íslands 2003

Minnisvarðinn sem er úr stáli er hannaður af þeim Þresti Ármannssyni og Jóni Aðalsteinssyni en smíðaður af Daða Gráns. Áletrun steypt í málmsteypunni Hellu. Hann er staðsettur á Grímsstaðaöxl í landi Grímsstaða á gatnamótum. Þaðan gefur einstaklega fagra sýn yfir Ytri-Flóa þar sem sá sorgaratburður gerðist sem minnst er.

---

Einarsætt í Reykjahlíð

---

Sólveig Stefánsdóttir (1891-1967) og Sigfús Hallgrímsson (1883-1966)

Gefið á gullbrúðkaupsdegi
Sólveigar Stefánsdóttur og Sigfúsar Hallgrímssonar
21. júní 1962 af börnum þeirra.

Stendur við Voga í Mývatnssveit.

---

Vogar, Mývatnssveit

Í tilefni búsetu Hallgríms og Ólafar í Vogum
og niðja þeirra í 100 ár – 1890-1990.

Hallgrímur Pétursson (1848-1926) og Ólöf Valgerður Jónasdóttir (1848-1908) bændur í Vogum í Mývatnssveit.

Minningarplatan er fest á klett við Voga í Mývatnssveit.

---

Miðkvíslarstífla

Miðkvíslarstífla reist 1960.

Heimamenn sprengdu stífluna 25. ágúst 1970 til að mótmæla stórvirkjun við Brúar. Tímamót í náttúruvernd á Íslandi.

Minnisvarðinn sendur við Miðkvísl í Laxá í Aðaldal

---

Minnisvarði um Böðvar Jónsson frá Gautlöndum

Minnisvarðinn var reistur af sonum Böðvars Jónssonar fyrrum bónda á Gautlöndum til minningar um hann. Hann var mjög mikill áhugamaður um landgræðslu og gróðurvernd, nánast hugsjónamaður. Minnisvarðinn stendur á Sandfelli þaðan sem einkar fallegt útsýni er yfir Mývatnssveit. Sandfell mun hafa verið nánast örfoka melur hér áður fyrr en er nú vel gróið, ekki síst fyrir tilstilli Böðvars.

---

Laugar í Reykjadal

Minningarlundur

---

Ingi Tryggvason 1921-2018

Ingi Tryggvason ferðaþjónustubóndi á Narafstöðum í Reykjadal.

,,Gróðri enn hann gefur skjól og gegstum býður næturból”
Ingi Tryggvason ferðaþjónustubóndi
heill þér níræðum
Ferðaþjónustubændur á Íslandi

Halldóra Sigurjónsdóttir skólastjóri Húsmæðraskólans á Laugum

Til minningar um ævistarf Halldóru Sigurjónsdóttur 1905-1994, sem var kennari við Húsmæðraskóla Þingeyinga á Laugum 1930-1966 og jafnframt skólastjóri frá 1946.

Ásmundur Sveinson 1893-1982

Ljóðið við rokkinn (1962)

Frá Kvenfélagasambandi Suður-Þingeyinga, Menningarsjóði Þingeyskra kvenna, samstarfsfólki og nemendum.

---

Aðaldalur

Hermóður Guðmundsson bóndi í Árnesi 1915-1977

Hermóður Guðmundsson bóndi í Árnesi
f. 3. maí 1915 – d. 8. mars 1977

Forystumaður i íslenskri bændastétt
Sverð og skjöldur Landeigendafélags Laxár og Mývatns
Það félag reisti honum þennan minnisvarða árið 1980 fyrir unnin afrek við verndun Laxár og Mývatnssvæðisins 1966-77
Sú barátta skapaði tímamót í náttúruvernd á Íslandi

Minnisvarðinn stendur gegnt Ýdölum í Aðaldal

Húsavík

Einar Benediktsson 1864-1940

Minnisvarði um Einar Benediktsson skáld sem lengi bjó á Héðinshöfða á Tjörnesi þar sem minnisvarðinn stendur.

Vangamyndina gerði Ríkarður Jónsson og Jóhann Björnsson teiknaði minnisvarðann sem var afhjúpaður árið 1972.

---

Skógræktarfélag Húsavíkur

---

Sigurjón Benediktsson, Snædís Gunnlaugsdóttir

Sigurjón Benediktsson og Snædís Gunnlaugsdóttir

Innilegar þakkir fyrir ykkar fórnfúsa starf í þágu skógræktar á Húsavík.
Án ykkar væri umgjörð Húsavíkur önnur.
Vinir

Minnisvarðinn stendur við bæinn Kaldbak, skammt frá veginum til Húsavíkur

---

Nikulás A.P. Buch 1755-1805

Minnisvarði
Nikulásar A.P. Buch
f. 1755 – d. 1805

Hann stofnaði fyrsta skíðaskóla í heimi á Húsavík 1777

---

Þórður S. Guðjohnsen (1844-1926)

Reist til minningar um Þórð Sveinbjörnsson Guðjohnsen 1844-1926
af afkomendum hans.

Minnisvarðinn er eftir Helga Gíslason myndhöggvara.

Minnisvarðinn stendur á bakkanum ofan við höfnina, fyrir framan Húsavíkurkirkju.

---

Garðar Svavarsson – Farfuglar

Minnisvarði
Garðars Svavarssonar

Farfuglar

Sigurjón Ólafsson myndhöggvari 1976

Verkið er á auðu svæði í miðri Húsavík

---

Ægir – til minningar um látna sjómenn á Húavík

---

Bjarnabúð

Bjarnabúð

Húsið byggði Bjarni Benediktsson athafnamaður (1877-1964), árið 1907.

Húsið var miðstöð umsvifa hjónanna Bjarna og konu hans Þórdísar Ásgeirsdóttur (1889-1965) árin 1907 til 1955 er þau fluttu til Reykjavíkur. Bjarni var póstmeistari og rak pósthús í húsinu árin 1907 til ársloka 1954.
Hjónin ráku verslun, útgerð, fiskverkun, umboð fyrir olíufélag og skipafélag, kúabú og hótel.

---

Æfingar Apollo geimfara á Íslandi

---

Sigurjón Ármannsson (1896-1958)

Strandfuglar eftir Sigurjón Pálsson.
Tileinkað afa hans, Sigurjóni Ármannssyni (1896-1958), kennara og bæjargjaldkera á Húsavík.

---

Laxárdalur

Jón J. Víðis 1894 – 1975

Jón J. Víðis fæddist á Þverá 1894 – lést 1975

---

Unnur Benediktsdóttir Bjarklind 1881 – 1946

---

Raufarhöfn

Síldarstúlkan

Síldarstúlkan
Gjöf til Raufarhafnar frá Hrútadagsnefnd 2012.

Hún stendur við ysta haf.
Miðnætur sólin gefur henni auka orku til að standa aðeins lengur á planinu.
Kvöldroðinn setur dreymandi blik í augu hennar.
Hún er síldarstúlka
– það er rómantískt, gaman og göfugt.
Er það ekki?!
Standa í hvaða veðri sem er, kannsli slorug upp fyrir haus og salta síld í tunnu.
Keppast við …
– meira salt!
– nýja tunnu!
Vinna hratt, lengi … allt of lengi … sárir fingur, verkir í baki og aumir fætur
Vera ræst út með banki á glugga um miðja nótt .. sofa í bragga .. jafnvel standandi á planinu.
Kannski hefur hún augastað á menntaskólapilti úr verksmiðjunni, eða hraustum sjómanni.
Kannski á hún mann sem vinnur líka á planinu og börn sem bíða heima.

Hún er ung, hraust, dugleg, ósérhlífin og rösk
Hún er þreytt, úrvinda.
En það skiptir ekki máli .. það þarf að salta aflann, búa til verðmæti, efla sjálfstæða þjóð.
– það skiptir ekki máli …
– því stígvélin eru full af merkjum!
Merki fyrir hverja tunnu.
Merki um dugnað hennar og þrautsegju, merki um von, um tækifæri, um sjálfstæði …
fjárhagslegt sjálfstæði stúlku.

Hún er síldarstúlkan.

Höf.: Ingibjörg Guðmundsdóttir

---

Langanesbyggð

Russell W. Sims, jr.

On July 25, 1969 command pilot Commander Russell W. Sims, jr. and co-pilot Lt. Daniel A. Blycker, crash landed this United States Navy R4D-6 cargo aircraft on a supply mission in support of the US Air Force 667 Aircraft Control and Warning Squadron located at the Langanes Air Station. The plane remains at the original site of the crash and the former Þórshöfn runway.

Árið 2023 var flak flugvélarinnar selt suður á land og fjarlægt frá Sauðanesi.
Það er nú við Eyvindarholt undir Eyjafjöllum. Skjöldurinn er því miður ekki á sínum stað.

Russell W. Sims, jr.
CDR USN

Flugvélin á nýjum stað við Eyvindarholt undir Eyjafjöllum.

Grein um Russell W. Sims, jr. í Reykjavik Grapevine

---

Kristján Einarsson frá Djúpalæk (1916-1994)

Bærinn Djúpilækur er nú eyðibýli er á Langanesströndinni í Bakkafirði. Við bæinn stendur minnisvarði um Kristján skáld frá Djúpalæk (1916-1994) en hann fæddist þar og ólst upp, í torfbænum sem var við hliðina á steinhúsinu. Kristján var í hópi þekktustu ljóðskálda Íslands á sinni tíð, óvenjulegur persónuleiki, margslunginn og dáður. Hann samdi ljóð, dægurlagatexta og þýddi ljóðin úr leikritum eins og Kardemommubænum og Dýrunum í Hálsaskógi. Dægurlagatexti eftir Kristján sem margir kannast eflaust við er t.d. textinn við Vor í Vaglaskógi.

Áningarstaður og minnisvarði um Kristján er við Djúpalæk. Þar eru borð og bekkir og huggulegt að setjast niður, einnig er fallegt að ganga niður að ósi. Steinarnir þrír í minnisvarðanum tákna “fegurð, gleði og frið” sem eru lokaorðin í ljóðinu Mitt faðirvor eftir Kristján. Ljóðin sem eru á minnisvarðanum er einmitt Mitt faðirvor og Strengir úr barnasögunni um músina Pílu Pínu. [langanesbyggd.is]

Minnisvarðinn stendur við þjóðveginn í Bakkafirði á móti Djúpalæk.

---

Krosshæð

---

Arnljótr Ólafsson (1823-1904)

Minnisvarði um norska sjómenn af “D/S Frithjof”

Disse nordmenn omkom ved Langanes da “D/S Frithjof” av Tromsö forliste, 5. oktober 1907.
Rest av Arktisk forening og Tromsö Skipperforening.

Minnisvarðinn er í kirkjugarðinum á Sauðanesi á Langanesi.

---

Til baka á Norðurland

---