Grímur Marinó Steindórsson (1933-2019)
Um Grím Marinó Steindórsson
Grímur Marinó Steindórsson listamaður fæddist 25. maí 1933 í Vestmannaeyjum. Hann lést 5. júní 2019.
Hann stundaði nám í Héraðsskólanum á Laugarvatni og sótti nám í Myndlista- og handíðaskólanum. Grímur var lærður járnsmiður og vann við þá iðn sína, og lagði stund á höggmynda og málaralist. Hann sótti sjóinn frá unga aldri, átti og gerði út trillu.
Listaverk Gríms Marinós eru víða um land, meðal annars Súlurnar á Hörgaeyrargarði í Eyjum, skútan við höfnina í Stykkishólmi, Beðið í von á Hellissandi, Vor við Fjölbrautaskólann á Húsavík, verk á hafnargarðinum á Þórshöfn og Friður, verðlaunaverkið um fund þeirra Gorbatsjov og Reagan í Reykjavík. Þá var verk hans Landpóstar vígt með athöfn við Staðarskála í Hrútafirði að viðstöddu fjölmenni, Jötnar fyrir utan Fjarðarkaup í Hafnarfirði. Í Kópavogi er Freyjublómið við Boðaþing og Veðrun 2 við Kórinn.
Grímur Marinó myndskreytti einnig bækur.
Grímur Marinó tók tvisvar þátt í listasamkeppni og fékk jafnoft viðurkenningu fyrir verk sín. Hann fékk önnur verðlaun í samkeppni Listahátíðar um merki hátíðarinnar 1988 og sama ár fékk hann fyrstu verðlaun í samkeppni ferðamálanefndar Reykjavíkur um minjagrip í tilefni af leiðtogafundinum sem haldinn var í Reykjavík.
Grímur Marinó hélt fjölda sýninga, bæði einn og með öðrum, einkasýningar m.a. í Stöðlakoti, í Eyjum, Lions-heimilinu í Kópavogi, Safnahúsi Borgarfjarðar, Áhaldahúsi Kópavogs, Listasafni Kópavogs, Bókasafni Kópavogs, Hafnarborg, menningar- og listastofnun Hafnarfjarðar, safnaðarheimilinu Borgum, FÍM-salnum auk fjölda samsýninga, m.a. í Alþjóðlegri bóka- og listamessu í Sviss, Kongens Have, Skulpturbiennalen, Kaupmannahöfn, Nyborg í Danmörku, Kjarvalsstöðum, Gallerí Langbrók.
Árið 1992 hélt hann mikla sýningu í Perlunni í Reykjavík, með verkum úr stáli og grjóti. Hrafn Andrés Harðarson frændi Gríms orti ljóð við verkin og voru þau birt á veggjum. Gunnar Reynir Sveinsson tónskáld samdi tónlist við verkin og ljóðin.
Grímur stóð fyrir annarri sýningu í Perlunni og í bæði skiptin var boðið upp á tónlist Gunnars Reynis, m.a. verkið Málmgrímur og söngvasveigar hans við ljóð Hrafns Andrésar, Hlér og Tónmyndaljóð, og einnig gáfu þeir þremenningar út bók með heitinu Tónmyndaljóð, bæði á íslensku og ensku.
Á alheimsráðstefnu World Renewable Energy í Flórens átti að heiðra þá þjóð, sem mest hefur lagt af mörkum til að breyta innviðum sínum í sjálfbæra orkugjafa. Verðlaunagripurinn var listaverk eftir Grím Marinó Steindórsson, sem hannaði sérstakan táknrænan grip; skip sem siglir fullum seglum vindorku, með sólargeisla yfir hraunmola í skál á þilfari, tákn jarðvarma og vatnsafls. Forseti Íslands, Ólafur Ragnar Grímsson, afhenti orkumálaráðherra Kýpur verðlaunagripinn í glæsilegum hallarkynnum Palazzo Pitti.
Grímur bjó í Kópavogi um áratugaskeið, var útnefndur bæjarlistamaður Kópavogs.
Verk hans eru í opinberri eigu víða um land. [Heimaslóð]
Útilistaverk Gríms Marinó Steindórssonar.
Það skal tekið fram að þetta er sennilega ekki tæmandi listi yfir útilistaverk Gríms Marinó, einungis þau sem ég hef fundið eða verið bent á.
Upphaf
Upphaf
Minnismerki um stofnun Ungmennafélagsins Breiðabliks í Kópavogi. Með þessu verki fylgdi flott drápa um upphafsmennina og afrek þeirra eftir Hrafn A. Harðarson.
Þetta verk eftir Grím Marinó stendur á íþróttasvæði Breiðabliks í Kópavogi
Kópur
Kópur (1998)
Verkið stendur á Kópavogstúni
Jónar
Jónar
Þetta verk stóð við Álalind í Kópavogi en er ekki þar lengur. Veit ekki hvað varð af því.
Mótun
Mótun (1994)
Verkið stendur við Smiðjuveg í Kópavogi
Veit ekki hvað þetta verk heitir, en það stendur í anddyri Sundlaugar Kópavogs.
Minnisvarði um Ólaf Kárason
Minnisvarði um Ólaf Kárason
Hjá lygnri móðu í geislaslóð
við græna kofann
hann sá hvar hún stóð hið fríða fljóð
fráhneppt að ofan.
Mitt er þitt og hjá mér áttu heima
víst skaltu öllum veraldar sorgum gleyma.
Á hann leit hún æskuteitu
auga forðum
það var kvöld í sveit og hún kvaddi hann veit ég kærleiksorðum.
Mitt er þitt og hjá mér áttu heima
víst skaltu öllum veraldar sorgum gleyma.
Inst í hjarta augað bjarta
og orðið góða
hann geymir sem skart uns grafarhúm svart
mun gestum bjóða.
Mitt er þitt og hjá mér áttu heima
víst skaltu öllum veraldar sorgum gleyma.
H.K.L.
Verkið stendur við Smiðjuveg í Kópavogi
Freyjublóm
Freyjublóm
Verkið stendur á hringtorgi í Boðaþingi í Kópavogi.
Opinberun
Opinberun
15.300.000 fyrir Kristsburð
Saga jarðar
Tími
Umbreyting
Mótun
Opinberun
Verkið stendur á horni Melabrautar og Brekkutraðar í Kópavogi
Aflamark 2000
Aflamark 2000
Verkið stendur við höfnina í Kópavogi í heldur óhrjálegu umhverfi
Askur Yggdrasils
Askur Yggdrasils (1999)
Verkið stendur við nýbyggingarsvæði í hafnarhverfinu í vesturbæ Kópavogs
Þetta verk stendur við Sjóminjasafnið í Reykjavík.
Dropinn holar steininn
Dropinn holar steininn (1994)
Verkið er gert fyrir Tandur hf í október 1994.
Verkið stendur við höfuðstöðvar fyrirtækisins í Reykjavík
Jötnar
Jötnar (2000)
Verkið stendur við Fjarðakaup á horni Hafnarfjarðarvegar/Keflavíkurvegar í Hafnarfirði.
Þegar þetta verk var afhjúpaö var það gert með þyrlu sem hífði klæðið af sem huldi verkið
Sólstafur
Sólstafur (1994)
Í skjóli nokkurra trjáa stendur verk Gríms Marinós Steindórssonar eilítið falið á bak við runna við Sólvang, dvalarheimili aldraðra í Hafnarfirði. Lýrískur titill verksins kallast á við minjagrip sem Grímur vann í tilefni af sögulegum leiðtogafundi Gorbatsjovs og Reagans í Höfða í Reykjavík árið 1986. Þá var áletrunin á gripnum svohljóðandi: „Sólin rís upp frá bjargbrún og sólstafir falla á upphafsdag. Friðardúfur flögra létt til himna á vit hins ókomna.“ Endurspeglast þessi ljóðræna jafnframt í verkinu, sem er stílhreint og formfagurt, enda þótt efni þess sé kalt stálið. Dregur listamaðurinn þannig með natni sinni fram hið fínlega í efninu, svo sjá má bæði jafnvægi og stíganda á hinum lóðrétta ás verksins, frá stöpli þess til hinnar rúnuðu málmkúlu, sjálfrar kringlu sólarinnar, sem trónir á toppi þess. Verkið var á meðal vegg- og höggmynda listamannsins á sýningu hans, Vorkomu, í Gerðarsafni árið 1995. [utilistaverk.hafnarborg.is]
Verkið stendur við Sólvang, Dvalarheimili aldraðra í Hafnarfirði
Harpa
Harpa (1999)
Hér má sjá listaverkið Hörpu, í Skansfjöru þar sem hún gegndi um tíma hlutverki innsiglingarvita. Eftir að verkið hafði lotið í lægra haldi fyrir ágangi sjávar og vinda var því bjargað í hús. Á Hörpunni eru tæki til veðurmælinga og ýmis tákn gæfu og heilla til sæfarenda. Uppistaðan í verkinu er fjögra laufa smári og í gegnum hann ganga rör eða pípur og súla en listamaðurinn hugsaði sér að vindurinn gæti spilað stef sín á pípurnar eins og nokkurs konar orgel. Á súluna eru rituð þrenn spakmæli: ,,Vant er að sigla milli skers og báru“, ,,Gott er heilu fari heim að sigla“ og ,,Sefur logn á boða baki“.Harpan var upphaflega merki Daga lita og tóna, menningarhátíðar Listvinafélagsins sem haldin var í Akóges um hvítasunnuhelgina 1999 en Grímur Marinó var listamaður þeirrar hátíðar. [Helga Hallbergsdóttir]
Myndin til hægri sýnir verkið á nýjum stað, undir Löngu í Vestmannaeyjum
Súlukast
Súlukast
Verkið stendur á enda Hörgeyrargarðs í Vestmannaeyjum
Hagfeldi
Hagfeldi (1997-8)
Verkið stendur við Höllina í Vestmannaeyjum
Fálki
Fálki (1994)
Tákn frelsis og frjálsrar hugsunar
Verkið stendur í Djúpadal í Vestmannaeyjum, skammt frá Flugstöðinni
Upphaf friðar – Friður – Peace – Mir
Upphaf friðar
Dagana 11. og 12. október 1986 var haldinn fundur þjóðhöfðingja stórveldanna tveggja, Bandaríkja Norður-Ameríku og Sovétríkjanna, að Höfða í Reykjavík.
Þessi fundur þeirra Mikhails Gorbatsjovs og Ronalds Reagans var upphafið að að lokum kalda stríðsins: Þjóðir fengu frelsi, tjáskipti urðu frjáls og einstaklingar fengu loks ráðið högum sínum.
Lýðræði er nú víðar viðurkennt sem grundvöllur stjórnskipunar en áður og milljónir manna fögnuðu nýfengnu frelsi og auknu lýðræði. (Texti á ensku, íslensku og rússnesku).
Efnt var til samkeppni um listaverk þegar Ronald Reagan og Mikhail Gorbachov komu hingað til lands til fundar og vann Grímur Marinó þá samkeppni með þessu verki.
Annað verkið stendur við Flugstöðina í Vestmannaeyjum og hitt við Byggðasafnið í Skógum,
Gjálfur
Gjálfur
Verkið stendur við Byggðasafnið í Skógum
Sigurfari
Sigurfari (2001)
Eins og sjá má af myndinni til hægri (neðri) sem tekin er árið 2006, hefur verkið lotið í lægra haldi væntanlega fyrir veðri og vindum og vantar töluvert á það núna miðað við upphaflega gerð.
Verkið stendur við Byggðasafnið í Skógum
Gnýr
Gnýr (2001)
Verkið er í eigu tryggingafélagsins Sjóvá og stendur við Garðabraut 2 á Akranesi
Vor
Vor
Verkið er í Þorlákshöfn
Hef ekki nafnið á þessu verki, en það stendur í Bjarnarhöfn á Snæfellsnesi
Á heimleið
Á heimleið (1994)
Listaverk í minningu sjómanna gert af Grími Marinó Steindórssyni.
Verkið stendur við höfnina í Stykkishólmi. Það var afhjúpað af Vigdísi Finnbogadóttur forseta á Sjómannadaginn 1994.
Kirkja er okkur ströndin
og hafið og fjallið,
guðspjall dagsins
vanmáttur mannsins
í lífi og dauða.
Jón úr Vör
Við afhjúpunina, sem fram fór í blíðskaparveðri, var frumflutt tónverk eftir Þórð G. Halldórsson, við ljóð eftir Emilíu Guðmundsdóttur úr bókinni Ljóðblik. Þá bók myndskreytti Grímur Marinó. (Mbl.).
Beðið í von
Beðið í von (2000)
Verkið stendur á Hellissandi
Minnisvarði um landpósta
Minnisvarði um landpósta (1992)
Minnisvarðinn um landpóstana er unninn af Grími Marinó Steindórssyni myndhöggvara. Verkið er stálsúla, um 3,5 metrar á hæð, og greinist í þrjár burstir að ofan. Á súlunni er lágmynd af manni á hesti, sem teymir töskuhest. Frumkvæði að gerð minnisvarðans áttu þeir Staðarbræður Magnús og Eiríkur Gíslasynir. [Mbl. 13/5/1993]
Verkið var afhjúpað árið 1993 við Staðarskála í Hrútafirði, en var flutt að áningarstað N1 í Hrútafirði þegar vegurinn um Hrútafjörð var fluttur.
Vorkoma
Vorkoma (1995)
Verkið stendur við Fjólbrautaskólann á Húsavík
Fjötrar
Fjötrar
Þetta verk er á Raufarhöfn
Þetta verk er á endanum á hafnargarðinum á Þórshöfn á Langanesi. Hef ekki nafnið á því.
Fjalir
Fjalir (1997)
Verkið stendur sammt frá Land hóteli í Landsveit.
Veðrun 2
Veðrun 2 (2004)
Þetta verk stendur framan við Kórinn, íþróttamiðstöðina í Kórahverfi í Kópavogi.
Lagað 22. jan.. 2025.